Такая лічба была агучаная падчас сустрэчы ў Даніі дэмакратычнага лідара Святланы Ціханоўскай з прадстаўнікамі платформы, паведаміў @pozirkonline яе галоўны дарадца Франак Вячорка.
Міжнародная платформа па зборы доказаў злачынстваў рэжыму Лукашэнкі супрацоўнічае з шасцю еўрапейскімі ўрадамі. Беларускія дэмакратычныя сілы адзначаюць надзвычайную важнасць ініцыятывы. Падчас сустрэчы таксама абмяркоўваліся пытанні падтрымкі рэпрэсаваных праз іншыя арганізацыі.
Франак Вячора зазначыў, што важна ўзгадваць «беларускі кейс» у міжнародных структурах больш актыўна, «бо рэпрэсіі ўзмацняюцца і эскалуюцца».
Міжнародная платформа па зборы доказаў злачынстваў рэжыму Лукашэнкі была створаная ў 2021 годзе паводле рэкамендацыі Маскоўскага механізму АБСЕ. Яе падтрымліваюць 14 краін, з ёй супрацоўнічаюць беларускія праваабарончыя арганізацыі. Яна збірае доказы і сведчанні тых, хто выйшаў з турмы, дапамагае ААН і міжародным судам, якія працуюць па Беларусі.
У суботу ў Капенгагене адбылася сустрэча Святланы Ціханоўскай з міністрам замежных справаў Даніі Ларсам Лёке Расмусенам і Вярхоўнай прадстаўніцай Еўрасаюза па замежнай палітыцы і бяспецы Каяй Калас.
Бакі абмеркавалі ключавыя пытанні, якія стаяць перад Беларуссю і ўсім рэгіёнам. Асаблівая ўвага падчас сустрэчы была нададзеная справе вызвалення палітвязняў, саўдзелу рэжыму Лукашэнкі ў вайне Расіі супраць Украіны, і пагрозам незалежнасці Беларусі праз павелічэнне расійскай вайсковай прысутнасці.
Крыніца: Позірк. Навіны пра Беларусь/Светлана Тихановская/юл