Прэзідэнт Літвы Гітанас Наўседа абвясціў, што Беларусь вызваліла 52 палітычных зняволеных, у тым ліку шэсць грамадзян Літвы, паведаміла Наша Ніва.
Сярод вызваленых таксама двое палякаў, двое немцаў, двое латышоў, француз і брытанец. Гэта дзеячы апазыцыі, журналісты, удзельнікі пратэстаў.
«Тое, што адбылося, — гэта велізарны дыпламатычны поспех для Амерыкі і ўсіх нас», — сказаў Наўседа.
Першым чалавекам, пра вызваленне якога стала сёння вядома, — Алена Раманаўскене з санаторыя «Беларусь» у Друскеніках.
Яна была загадчыцай маркетынгавай службы санаторыя. Яе абвінавачвалі ў шпіянажы і асудзілі на 6 гадоў.
Сёння, 11 верасня, Аляксандр Лукашэнка сустрэўся з прадстаўніком Трампа Джонам Коўлам. На сустрэчы Лукашэнка прапанаваў абмеркаваць пытанне «закладнікаў».
Мінулы раз пасля сустрэчы з Кітам Келагам 21 чэрвеня былі вызваленыя 14 палітвязняў на чале з Сяргеем Ціханоўскім.
яс