Звяртаючыся да ўдзельнікаў, Вольга Зазулінская адзначыла агульную місію: падтрымка палітвязняў і іх сем’яў, барацьба за вызваленне.
«Тэма палітвязняў — гэта сотні чалавечых лёсаў. Людзі знаходзяцца за кратамі выключна за жаданне пераменаў, свабоды і справядлівасці. Сем’і пакутуюць: дзеці без бацькоў, бацькі без дзяцей», — сказала Зазулінская.
Займаючыся тэмай 5 гадоў, яна зразумела: палітвязням патрэбна не толькі адвакацыя, але і памяць: «Іх імёны павінны гучаць, гісторыі — станавіцца часткай міжнароднай размовы. Менавіта вы робіце гэта магчымым».
Зазулінская падкрэсліла, што абапіраецца на гэтую працу ў супрацы з міжнароднымі арганізацыямі, еўрапейскімі і амерыканскімі партнёрамі, кааліцыяй краін. Гісторыі і сведчанні ствараюць сілу салідарнасці. Барацьба не хуткая: «Часам цішыня моцная, але мы маем супольнасць, падтрымку і досвед, якога няма ў рэжыму».
«Пакуль хоць адзін палітвязень за кратамі, задача не выкананая. Разам набліжаем іх свабоду», — заявіла яна.
Вольга Зазулінская падзякавала ўсім чальцам супольнасці дапамогі за стойкасць і чалавечнасць: без вас немагчыма падтрымліваць палітвязняў і іх сем’і і гаварыць пра іх на міжнародным узроўні.
«Разам зробім немагчымае: у нас сіла праўды, салідарнасці і вера ў свабоду!», — падсумавала прадстаўніца Аб’яднанага Пераходнага Кабінета Беларусі.
Крыніца: Аб’яднаны Пераходны Кабінет Беларусі/юл