«Вельмі хутка». Так галоўны амерыканскі перамоўшчык з Лукашэнкам Джон Коўл адказаў на пытанне пра вызваленне нобелеўскага лаўрэата Алеся Бяляцкага, – паведамляе euroradio.
«Я гэтым займаюся!» – напісаў Коўл за гадзіну да гэтага, рэтвітнуўшы допіс НАУ.
На гэтым тыдні стала вядома, што Алесь Бяляцкі перанёс у зняволенні аперацыю.
У выданні нагадаваюць, што Джон Коўл – намеснік спецпасланніка прэзідэнта ЗША Дональда Трампа генерала Кіта Келага. Ён ужо некалькі разоў быў у Мінску і кожны раз вывозіў у Літву групы палітвязняў. Ён распавядаў, што дзеля добрых стасункаў з Лукашэнкам нават піў з ім гарэлку.
эж