Не падманвацца «так званай гуманнасцю» Аляксандра Лукашэнкі, які вызваляе палітвязняў, заклікала дэмакратычны лідар Святлана Ціханоўская, выступаючы 22 кастрычніка ў Страсбургу на пленарнай сесіі Еўрапейскага парламента, паведамляе «Позірк».
- Не будзьце наіўнымі, Лукашэнка ніколі не зменіцца, але краіна вакол яго ўжо змянілася. Большасць беларусаў абралі мір, дэмакратыю і еўрапейскую будучыню. І гэтая будучыня немагчымая, пакуль Лукашэнка застаецца ва ўладзе.
«Для Лукашэнкі людзі – усяго толькі разменная манета. Ён хоча зняцця санкцый, ён хоча легітымацыі, ён марыць вярнуцца да звычайнага жыцця. Але мы ўжо бачылі гэты фільм(…)І мы ўсе ведаем, чым гэта сканчаецца», – падкрэсліла Ціханоўская.
Між іншым, патрабаванне «неадкладнага і безумоўнага« вызвалення палітычных зняволеных утрымліваецца ў праекце рэзалюцыі па Беларусі, галасаванне па якім прызначанае на сёння.
Нагадваем, раней на пленарнай сесіі Еўрапарламента ў Страсбургу было абвешчана, што журналіст-палітвязень Анджэй Пачобут стаў лаўрэатам прэміі «За свабоду думкі» імя Сахарава.
аз