У Мінскім епархіяльным упраўленні прайшла сустрэча кардынала Клаўдыа Гуджэроцці, прэфекта Дыкастэрыі па справах Усходніх Цэркваў і спецыяльнага пасланніка Папы Льва XIV, з Патрыяршым Экзархам усяе Беларусі мітрапалітам Веніямінам. У сустрэчы таксама прыняў удзел апостальскі нунцый у Беларусі арцыбіскуп Іньяцыа Чэфалія.
Сярод ключавых тэм – магчымасць візіту Папы Рымскага Льва XIV у Беларусь.
Мітрапаліт Веніямін адзначыў, што такі візіт з'яўляецца асаблівай падзеяй, закліканай прыносіць мір, згоду і павагу да мясцовых традыцый.
Паводле яго слоў, важна ўлічваць, што большасць вернікаў у краіне – праваслаўныя, і абмеркаванне візіту павінна праходзіць з удзелам Маскоўскага Патрыярха Кірыла з улікам меркавання Сінода БПЦ.
Удзельнікі падкрэслілі важнасць міру і дыялогу ва ўмовах нарастаючай міжнароднай напружанасці, асабліва на заходніх і паўднёвых межах Беларусі.
Гэтымі днямі пасланнік папы Льва XIV кардынал Клаўдыа Гуджэроцці знаходзіцца ў Беларусі з нагоды святкавання 100-годдзя Пінскай дыяцэзіі.
вх