У апошнія тыдні вырасла колькасць метэазондаў, што запускае рэжым Лукашэнкі, якія трапляюць у паветраную прастору Літвы, гаворыцца ў абвестцы. Гэта стварае рызыкі для палётаў: краіна вымушаная зачыняць аэрапорт з-за пагрозы ў небе, тысячы людзей не маюць магчымасці патрапіць дадому і гадзінамі застаюцца ў аэрапортах з-за адмены ці пераносу рэйса, у тым ліку — беларусы, нагадвае Офіс Святланы Ціханоўскай.
Лідарка беларускіх дэмакратычных сіл зазначае, што агрэсіўная палітыка Лукашэнкі не адлюстроўвае пазіцыі людзей. Беларускі народ заўсёды ставіцца з павагай да іншых краін і хоча падтрымліваць добрасуседскія адносіны, гаворыцца ў адозве.
Святлана Ціханоўская заклікае далучацца да акцыі, каб паказаць, што беларуская супольнасць супраць правакацый рэжыму Лукашэнкі.
Крыніца: Светлана Тихановская/юл