За год колькасць беларусаў з дазволам на пражыванне ў Літве скарацілася на больш за 7 000. Паводле статыстычных дадзеных Дэпартамента міграцыі пры Міністэрстве ўнутраных спраў Літвы, на 1 студзеня 2026 года дзейны дазвол на пражыванне ў Літве мела 50 286 грамадзян Беларусі.
На пачатак 2025 года ў згаданай краіне налічвалася 57 511 беларускіх грамадзян з адпаведным дазволам. Такім чынам, за год іх колькасць скарацілася на 7 225 або на 12,56%, паведамляе «Позірк».
Праведзены сайтам аналіз дадзеных міграцыйнай службы Літвы паказаў, што колькасць легалізаваных у краіне беларусаў летась планамерна зніжалася ад месяца да месяца:
на 1 лютага – 55.595 (-1.916, або -3,33% да папярэдняга месяца);
на 1 сакавіка – 54.181 (-1.414; -2,54%);
на 1 красавіка – 53.739 (-442; -0,82%);
на 1 траўня – 53.284 (-455; -0,85%);
на 1 чэрвеня – 52.662 (-622; -1,17%);
на 1 ліпеня – 52.287 (-375; -0,71%);
на 1 жніўня – 51.962 (-325; -0,62%);
на 1 верасня – 51.520 (-442; -0,85%);
на 1 кастрычніка – 51.213 (-307; -0,6%);
на 1 лістапада – 50.895 (-318; -0,62%).
За снежань 2025-га колькасць стала меншай на 609 (-1,2%).
аз