Вывезенага з Беларусі журналіста Ігара Карнея запрашаюць вярнуцца ў Мінск, каб забраць 1 рубель у Следчым камітэце.
Пра гэта былы палітвязень напісаў на сваёй старонцы ў Facebook.
«Могуць жа парадаваць, калі захочуць). Сьледчы камітэт запрашае ў сваё менскае ўпраўленьне, каб я мог забраць па ведамасьці… 1 рубель. Не, ніякая не апіска: не 1000, не 100 і нават не 10. А менавіта 1!», зазначае журналіст.
Ігар Карней нагадаў, што яго не толькі кінулі за краты па сфальсіфікаваным абвінавачанні, але пакаралі 20 тысячамі рублёў матэрыяльнай кампенсацыі, а потым выкарыстоўвалі ў турме яго бясплатную нявольніцкую працу.
юл