Прэзідэнт Украіны Уладзімір Зяленскі не бачыць магчымасці засядаць у радзе, якую стварае прэзідэнт ЗША, разам з кіраўнікамі Беларусі і Расіі. Украіна атрымала запрашэнне ўдзельнічаць у Мірнай радзе Дональда Трампа. Пра гэта заявіў Уладзімір Зяленскі.
Аднак прэзідэнт Украіны ацаніў, што яго краіне будзе цяжка ўдзельнічаць у радзе, у якую магла б увайсці і Расія. ЗША таксама накіравалі такое запрашэнне ў Маскву і Мінск. Прэзідэнт Украіны адзначыў, што дыпламаты працуюць над запрашэннем. Пры гэтым, Уладзімір Зяленскі адзначыў, што Расія і яе саюзнікі з'яўляюцца перашкодай для далучэння да ініцыятывы.
— Расія — наш вораг, а Беларусь — яе саюзнік. Шчыра кажучы, пакуль мне вельмі цяжка ўявіць, як мы маглі б быць разам з Расіяй у якой-небудзь радзе. І гэта тычыцца не толькі гэтай мірнай рады. Расія проста падтрымлівае вайну. І Беларусь падтрымлівае яе, у прыватнасці, рэжым Лукашэнкі.
Нягледзячы на чаканні, Уладзімір Зяленскі не прысутнічаў на сустрэчы сусветных лідараў у Давосе. На пытанне аб магчымай паездцы ў швейцарскі Давос і сустрэчы там з Дональдам Трампам, ён падкрэсліў, што сустрэчы з амерыканцамі заўсёды павінны прыводзіць да канкрэтных вынікаў, накіраваных на ўмацаванне Украіны або спыненне вайны. І калі адпаведныя дакументы будуць гатовыя, сустрэча адбудзецца.
IAR/нг