Беларускія памежнікі знялі з аўтобуса ў Польшчу грамадзян Расіі. Патлумачылі гэта новаўвядзеннямі, якія ўступілі ў сілу 1 красавіка. «Белсат» даведаўся, у чым можа быць справа.
Некаторых расіян сапраўды могуць не пусціць у Польшчу з 1 красавіка, бо з гэтай даты Варшава прымае грамадзян Расіі толькі з біяметрычнымі пашпартамі. Пра гэта папярэджвала МЗС у Маскве.
Такім чынам, беларускія памежнікі могуць не выпусціць расіян з Беларусі, ведаючы, што яны не праедуць у Польшчу.
Таксама Літва, Латвія, Германія, Чэхія, Данія, Эстонія, Францыя і Ісландыя не прымаюць расійскія небіяметрычныя пашпарты.
Гэта звязана з павышэннем бяспекі межаў Шэнгену і ўводам еўрапейскай сістэмы ўезду-выезду (EES). Гэта сістэма памежнага кантролю для грамадзян краінаў па-за ЕС, якія здзяйсняюць кароткатэрміновыя паездкі ў краіны Шэнгену.
Сістэма ўезду-выезду збірае дадзеныя, якія ўтрымліваюцца ў праязным дакуменце замежніка, дату і месца кожнага ўезду і выезду, а таксама біяметрычныя дадзеныя.
вс