З 2020 года Беларусь страціла больш за 2000 грамадскіх арганізацый — пра гэта паведамляе Lawtrend. Большасць з іх была ліквідаваная прымусова. На канец сакавіка 2026 года як мінімум 1239 НДА знаходзіліся ў працэсе прымусовай ліквідацыі, яшчэ 781 — самастойна спынілі дзейнасць пад ціскам.
Рэпрэсіі працягваюцца і ў дачыненні да праваабаронцаў. Беларускі Хельсінкскі Камітэт, адна з найстарэйшых арганізацый краіны, прызнаны «экстрэмісцкім фармаваннем». Яго пазбавілі рэгістрацыі яшчэ ў 2021 годзе, але ён працягваў працу і нават атрымаў статус пры Эканамічнай і сацыяльнай радзе ААН.
Паралельна ўлады Беларусі працягваюць пераслед грамадзян. У Гомелі і Пінску вынесеныя новыя прысуды: інжынера Мазырскага НПЗ і ІТ-прадпрымальніка пакаралі за «садзейнічанне экстрэмізму», яшчэ адзін мужчына трапіў у калонію.
Праваабаронцы адзначаюць: маштаб ліквідацыі НДА і крымінальнага пераследу сведчыць пра сістэмны ціск на грамадзянскую супольнасць у Беларусі.
эж