Міжнародная праваабарончая арганізацыя Amnesty International 21 красавіка прэзентавала чарговы даклад аб сітуацыі з правамі чалавека ў свеце ў 2025-2026 гадах. Асобны раздзел у ім быў прысвечаны Беларусі, паведамляе «Свабода».
Amnesty International канстатуе ў ім, што сітуацыя з правамі чалавека ў краіне (Беларусі – рэд.) застаецца нязменна крытычнай.
— Правы на свабоду выказвання меркаванняў, сходаў і асацыяцый заставаліся сур’ёзна абмежаванымі. Урад імкнуўся рэпрэсаваць рэлігійныя меншасці праз абавязковы, непразрысты працэс рэгістрацыі. Сістэма правасуддзя выкарыстоўвалася для ўціску іншадумства. Катаванні і іншыя віды жорсткага абыходжання былі распаўсюджанымі, а беспакаранасць панавала. Бежанцы і мігранты цярпелі ад злоўжыванняў з боку ўладаў, — чытаем у справаздачы.
Праваабаронцы, сярод іншага, пішуць, пра працяг эміграцыі, у тым ліку ў адказ на рэпрэсіі пасля выбараў у 2020 годзе, абмежаванне свабоды выказвання меркаванняў, пашырэнне спісу «экстрэмістаў» і зняволенне супрацоўнікаў СМІ, закрыццё грамадскіх арганізацый, пераслед рэлігійных арганізацый і духавенства,
Паводле Amnesty International, не спыняецца таксама пераслед беларускай апазіцыі, у тым ліку, шляхам несправядлівых, палітычна матываваных судовых працэсаў, у тым ліку і такіх, якія праводзяцца ў адсутнасць абвінавачаных.
Праваабаронцы паведамляюць таксама пра катаванні і іншыя віды жорсткага абыходжання падчас зняволення.
У дакладзе заяўлена пра прынамсі дзве ахвяры палітычна матываванага пераследу, гэта Валянцін Штэрмер і Андрэй Паднябенны, якія памерлі падчас знаходжання пад вартай, што давяло агульную колькасць смерцяў пасля 2020 года да дзевяці.
аз