Прадстаўнік Святланы Ціханоўскай па канстытуцыйнай рэформе Анатоль Лябедзька паведаміў, што падчас форума IDU (Міжнародны дэмакратычны саюз) была праведзена змястоўная сустрэча з Адрыянам Бэлутэлем (Adrian Băluțel) — дэпутатам парламента Малдовы, адным з самых перспектыўных палітыкаў краіны.
Галоўны акцэнт на завяршэнне працэсу стварэння групы «За дэмакратычную Беларусь» у парламенце Малдовы.
— Адрыян гатовы быць адным з палітычных інвестараў стварэння групы, — адзначыў Анатоль Лябедзька у каментарыі «Парламенцкаму каналу». — Да летніх вакацый павінны вывесці групу на працоўную арбіту.
Адрыян Бэлутэль быў абраны дэпутатам парламента ў 2025 годзе. Да гэтага ён быў кіраўніком апарата (кабінета) прэзідэнткі Маі Санду (2023–2025).
IDU (International Democrat Union — Міжнародны дэмакратычны саюз) — гэта аб’яднанне правацэнтрысцкіх і кансерватыўных палітычных партый розных краін, якое прасоўвае каштоўнасці дэмакратыі, свабоды і рыначнай эканомікі.
«Парламенцкі канал»
нг