2 мая вечарам быў зафіксаваны залёт з боку Беларусі паветранага шара, — расказаў прэс-сакратар Дзяржаўнай пагранічнай службы Украіны Андрэй Дземчанка.
— Фактычна гэта была прылада з рэтранслятарам для ўзмацнення сігналу для паветраных сродкаў паражэння, якія Расія выкарыстоўвае супраць нашай краіны падчас абстрэлаў, — удакладніў ён.
«Флагшток» высветліў, што аэрастат заляцеў з Гомельскай вобласці i гэта не першы падобны выпадак.
Па дадзеных украінскага маніторынгавага канала «Рында мониторит», 2 траўня каля 21.40 зонд з Беларусі рухаўся курсам на сяло Народычы ў Жытомірскай вобласці. Канал «еРадар» удакладніў, што паветраная сфера была зафіксавана ў Палескім радыяцыйна-экалагічным запаведніку на тэрыторыі Гомельшчыны і неўзабаве перасекла мяжу па рэчышчы рэчкі Рожава.
У Беларусі не адрэагавалі на паведамленне ўкраінскага боку аб залёце аэрастата 2 траўня, але назаўтра па дзяржТВ выступіў камандуючы ВПС і войскамі СПА Узброеных сілаў РБ Андрэй Лук'яновіч, які назваў галоўнай праблемай рэгулярныя залёты беспілотнікаў, якія дзяжурныя сілы СПА фіксуюць «практычна штодня».
яс