Як паведаміла раённае выданне «Хойніцкія навіны», нарада адбылася напярэдадні комплекснага вучэння раённага звяна Гомельскай тэрытарыяльнай падсістэмы надзвычайных сітуацый і цывільнай абароны.
Старшыня райвыканкама Дзмітры Шпігановіч і начальнік раённага аддзелу надзвычайных сітуацый Віктар Сацура падкрэслілі, што галоўная мэта вучэнняў — забяспечыць арганізаванае і аператыўнае рэагаванне ўсіх службаў на магчымыя надзвычайныя сітуацыі любога характару.
— На семінары ўдзельнікам прадэманстравалі відэаролік, у якім каротка адлюстравалі асноўныя этапы і захады планаваных вучэнняў. У сцэнары, апроч стандартнага трэніроўкі ў дзеяннях пры падтапленні населеных пунктаў, аварыях на камунальных сетках (адключэнне вады, цяпла) і «ўмоўных» ракетных ударах з масавай колькасцю пацярпелых, асаблівую ўвагу сканцэнтравалі на ўдасканаленні сістэмы апавяшчэння і комплексу захадаў абароны насельніцтва, — адзначаецца ў публікацыі выдання.
На нарадзе абмеркавалі функцыянаванне невайсковых фармаванняў цывільнай абароны на аб’ектах, арганізацыю і правядзенне практычных вучэнняў і трэнінгаў на месцах, а таксама парадак узаемадзеяння і перадачы інфармацыі аб надзвычайных сітуацыях.
Нагадаем, Хойніцкі раён мяжуе з Украінай.
Свабода/ав