Ініцыятыва былых беларускіх сілавікоў BELPOL заявіла, што мінская кампанія «Элементарныя машыны» дапамагала Расіі наладжваць вытворчасць выбухоўкі для артылерыйскіх і рэактыўных снарадаў. Пра гэта паведаміў «Белсат».
Паводле расследавання, беларускае прадпрыемства паставіла на расійскі завод у Чэбаксарах спецыяльнае абсталяванне для працы з тратылам, гексагенам і алюмініевым парашком — ключавымі кампанентамі боепрыпасаў. Гаворка ідзе пра сістэмы дазавання, помпы, пульты кіравання і так званыя растваральнікі, якія выкарыстоўваюцца на пачатковым этапе начынення снарадаў выбуховымі рэчывамі.
BELPOL сцвярджае, што мантаж абсталявання ў Расіі ўлетку 2025 года выконвалі супрацоўнікі беларускай кампаніі. Пры гэтым у вытворчасці выкарыстоўваліся замежныя камплектуючыя, у тым ліку італьянскія электрарухавікі і элементы аўтаматызацыі.
У BELPOL падкрэсліваюць, што Беларусь нельга выключаць з санкцыйнай палітыкі супраць Расіі, бо беларускія прадпрыемствы працягваюць удзельнічаць у вытворчасці прадукцыі вайсковага прызначэння для расійскай арміі.
эж