У авіякампаніі «Белавія» пачынае палёты борт EW-589PD. Цяпер у беларускага авіяперавозчыка тры далёкамагістральныя шырокафюзеляжныя самалёты Airbus A330-200.
— Шырокі сілуэт, вытанчаныя лініі і EW-589PD, які прыгожы ў любым ракурсе. Яшчэ адзін улюбёнец аб'ектываў пачынае сваю лётную біяграфію! Цяпер усе тры Airbus A 330‑200 у шыхтах Belavia, — паведаміла прэс-служба авіякампаніі, якую цытуе «Наша Ніва».
Прэзентацыя новага тыпу паветранага судна, якое лётае на вельмі далёкія адлегласці і было набытае ў Гамбіі ў абыход санкцый, адбылася ў Нацыянальным аэрапорце Мінск у чэрвені мінулага года. Першы далёкамагістральны рэйс стартаваў з Мінска на кітайскі востраў Хайнань, у горад Санья. У другой палове 2025 года перавозчык увёў у эксплуатацыю другі Airbus А330-200, а вось цяпер на паветраныя лініі выходзіць і трэці.
вс