Работы ахопліваюць прамысловыя прадпрыемствы, абʼекты сувязі, банкі і камунальную інфраструктуру, піша ініцыятыва BelPol. Адначасова ўзмацняецца кантроль за станам бамбасховішчаў, праводзяцца масавыя праверкі і выдзяляюцца сродкі на іх аднаўленне. Усё гэта адбываецца на фоне паглыблення вайсковага супрацоўніцтва з Расіяй, мілітарызацыі эканомікі і развіцця мабілізацыйнай сістэмы.
Само па сабе будаўніцтва бамбасховішчаў не азначае падрыхтоўку да вайны. Аднак у спалучэнні з іншымі працэсамі яно становіцца яшчэ адным элементам сістэмнай падрыхтоўкі дзяржавы да магчымых крызісных сцэнароў.
Пасля 2022 года Беларусь істотна паглыбіла ваеннае супрацоўніцтва з Расіяй, на яе тэрыторыі рэгулярна праходзяць сумесныя вучэнні, развіваецца ваенная інфраструктура, мілітарызуецца эканоміка, павялічваецца колькасць падраздзяленняў тэрытарыяльнай абароны, удасканальваецца мабілізацыйная сістэма.
У сукупнасці гэтыя працэсы сведчаць аб працягненні курсу на ўзмацненне элементаў мабілізацыйнай гатовасці дзяржавы.
Крыніца: BelPol/юл