Улады Беларусі абвясцілі ў вышук былых гульцоў нацыянальнай зборнай Мікалая Золатава і Генадзя Туміловіча. Як паведамляе «Радыё Свабода», Золатава 7 ліпеня абвясцілі ў вышук сілавікі Віцебскай вобласці паводле крымінальнай справы, а Туміловіча 19 жніўня ў базу вышуку МУС Расіі ўнеслі беларускія сілавікі.
Золатаў, які цяпер гуляе ў Малдове, правёў за зборную 14 матчаў. Раней яго ўнеслі ў «чорны спіс» за крытыку ўладаў і асуджэнне вайны ва Украіне. У 2022 годзе футбаліст гуляў ва Украіне і публічна падтрымліваў яе.
Туміловіч жыве ў Ізраілі. Ён правёў за зборную 32 матчы, а ў 2001 годзе быў прызнаны лепшым футбалістам Беларусі.
Пасля выбараў 2020 года беларускія ўлады ўзмацнілі пераслед спартсменаў. Паводле BelPol, з мая 2020-га па красавік 2026 года колькасць рэпрэсаваных склала не менш за 500 тысяч.
эж