Аб гэтым заявіў заявіў кіраўнік Цэнтра кіравання крызісамі Латвіі Арвіс Зіле ў інтэрв'ю латвійскаму абароннаму выданню sargs.lv, што заўважыў Reform.news
Зіле адзначыў, што беларускі рэжым змяніў тактыку і цяпер на мяжы з Латвіяй назіраецца «поўнае бяздзеянне» беларускіх памежнікаў.
— Усё менш і радзей назіраюцца памежнікі ў гэтым раёне ля мяжы, ля плота. Гэта дае магчымасць нелегальным парушальнікам мяжы свабодна дзейнічаць на той тэрыторыі ля плота: рабіць што хочуць, ладзіць лагеры, паліць вогнішчы, рыхтавацца да пашкоджання гэтага памежнага плота», – заявіў Зіле.
Паводле слоў Зіле, Беларусь пабудавала на сваёй тэрыторыі агароджу, сфарміраваўшы своеасаблівую буферную зону паміж сваёй агароджай і агароджай латвійскіх памежнікаў.
— Беларусь стварыла другі плот, размешчаны глыбей на сваёй тэрыторыі, які ахоўваецца, дзе знаходзяцца памежнікі. І зараз паміж гэтай сапраўднай дзяржаўнай мяжой і другім плотам утворана своеасаблівая буферная зона, куды і ўпускаюць гэтых шукальнікаў «салодкага жыцця». У ёй яны могуць рабіць усё, што заўгодна, але назад, глыбей на тэрыторыю Беларусі, іх не пускаюць. Іх адзіны шлях — спрабаваць прарвацца ў Еўропу, — распавёў ён.
Кіраўнік Цэнтра кіравання крызісамі зазначае, што мігранты маюць пры сабе розныя прылады для пашкоджання плота, напрыклад кусачкі. Гэта паказвае, што іх рыхтуюць загадзя.
яс