Урад Чарнагорыі 24 верасня ўхваліў дакумент аб неабходнасці спыніць дзеянне пагадненняў, якія рэгулююць бязвізавы рэжым з Беларуссю, Расіяй і Турцыяй, паведамляе Reform.news.
Ва ўрадзе патлумачылі гэты крок неабходнасцю прывесці візавую палітыку краіны ў адпаведнасць з правіламі Еўрасаюза ў рамках працэсу ўступлення ў ЕС.
Яшчэ 23 ліпеня кабінет міністраў прыняў змены ў візавыя правілы, паводле якіх з 1 лістапада 2026 года грамадзянам Беларусі, Расіі і Турцыі спатрэбіцца віза для ўезду ў Чарнагорыю, транзіту праз яе тэрыторыю і знаходжання ў краіне.
Паколькі бязвізавы рэжым з гэтымі дзяржавамі таксама замацаваны міжнароднымі пагадненнямі, урад лічыць неабходным распачаць працэдуру спынення іх дзеяння.
Для ўладальнікаў дыпламатычных, службовых і спецыяльных пашпартоў Турцыі Чарнагорыя мае намер заключыць новае асобнае пагадненне, каб па магчымасці захаваць для іх бязвізавы рэжым. Аналагічнай ініцыятывы ў адносінах да Беларусі і Расіі ў паведамленні ўрада няма.
яс