Аб выяўленні чарговай партыі кантрабандных цыгарэт паведаміла Служба аховы дзяржаўнай мяжы Літвы (САДМ).
Груз быў перакінуты праз агароджу на мяжы з Беларуссю, яго знайшлі 4 кастрычніка супрацоўнікі памежнай заставы Падвароніс у раёне вёскі Жалтунай Шальчынінкайскага раёна, паведамляе «Позірк».
САДМ паведамляе аб 16 скрутках з цыгарэтамі NZ Gold з беларускімі акцызнымі маркамі. Кошт кантрабанды склаў больш за 22 тыс. еўра.
Пачата дасудовае расследаванне. Звяртаецца ўвага на тое, што за такое злачынства ў Літве прадугледжаны штраф або пазбаўленне свабоды на тэрмін да шасці гадоў. У той жа час САДМ адзначае, што меркаваныя атрымальнікі кантрабанднага грузу за ім не з’явіліся.
вс