Экс-байца беларускага спецназа прызналі вінаватым у выкраданні праціўніка Лукашэнкі, паведамляе «Еўрарадыё» са спасылкай на «Новы Час». Суд над Юрыем Гараўскім адбыўся ў швейцарскім Санкт-Галене.
Гісторыя цягнецца ўжо сем гадоў. Гараўскі прызнаўся ў датычнасці да лукашэнкаўскага «эскадрона смерці» ў 2019 годзе, калі прасіў палітычнага прытулку ў Швейцарыі.
Суд, які адбыўся ў 2023 годзе, палічыў, што некаторыя з паказанняў беларус прыдумаў. Суддзя прыйшоў да высновы, што Гараўскі, верагодна, служыў у спецназе, але ягоная роля ў выкраданнях застаецца няяснай. Паводле суддзі, «магчыма, ён чуў пра гэта ад калег».
Сваякі зніклых палітыкаў абскардзілі гэтае рашэнне. 26 кастрычніка Гараўскага прызналі вінаватым у выкраданні бізнесоўца Анатоля Красоўскага. За гэта яго пакаралі двума гадамі пазбаўлення свабоды ўмоўна.
Пры гэтым апраўдальны прысуд па справе пра знікненне былога кіраўніка МУС Беларусі Юрыя Захаранкі пакінулі ў сіле.
вс