Беларускі барэц Кірыл Маскевіч заваяваў золата ў вагавой катэгорыі да 97 кілаграмаў на чэмпіянаце свету ў Астане. У фінале 26 кастрычніка ён перамог расіяніна Артура Саргсяна з лікам 7:1, паведамляе «Наша Ніва».
28‑гадовы ўраджэнец Барысава ўзяў рэванш за паразу на сёлетнім чэмпіянаце Еўропы: тады ў паядынку за бронзу мацнейшым быў Саргсян.
Для Маскевіча гэта другі тытул чэмпіёна свету, але ўпершыню ён заваяваў золата непасрэдна на спаборніцтвах. У 2021 годзе беларус прайграў фінал прадстаўніку Сербіі Зурабу Датунашвілі. Пазней суперніка дыскваліфікавалі за парушэнне антыдопінгавых правілаў, і залаты медаль перайшоў Маскевічу.
—Сёння я ўпершыню стаў на найвышэйшую прыступку п’едэстала, — сказаў спартовец пасля перамогі. Летась на чэмпіянаце свету ў Заграбе ён заваяваў бронзу.
аз