Саліст беларускага гурта «Дразды» Віталь Карпанаў у Маладзечне заклікаў прабачыць тых, хто калісьці «не там лайк паставіў», і «перагарнуць гэтую старонку». Гледачы канцэрта адрэагавалі апладысментамі і падтрымкай, паведамляе «Белсат».
— Бывае, што па суседству карова ў буракі ўбілася. І што рабіць? Трэба прабачыць. Няма ў цябе іншых суседзяў. Ці на другім прыкладзе скажу. Такое было моднае, вось зараз не вельмі, так скажам: не там лайк паставіў. Таксама трэба адпусціць, перагарнуць гэтую старонку, — прапанаваў Віталь Карпанаў.
Ён падкрэсліў, што «няма ў нас іншых беларусаў», трэба жыць і працаваць з такімі, якія ёсць, «таму што мы, беларусы, адзін аднаму не ворагі».
Нагадаем, што яшчэ ў 2023 годзе гурт «Дразды» заслужыў славу аднаго з самых супярэчлівых музычных калектываў Беларусі. Нягледзячы на прабеларускую пазіцыю ў творчасці, якая злуе частку прапагандыстаў, Карпанаў і ягоны гурт з 2021 года сваімі заявамі ды выказваннямі падтрымліваюць рэжым Лукашэнкі.
вс