Святлана Ціханоўская заклікала генсека АБСЕ пачынаць дыялог з Мінскам з вызвалення палітвязняў

«Важна, каб кожны кантакт з рэжымам дапамагаў дамагчыся канкрэтных вынікаў — вызвалення людзей».

Святлана Ціханоўская

@tsikhanouskaya

Лідарка дэмакратычных сілаў Беларусі Святлана Ціханоўская сустрэлася з генеральным сакратаром АБСЕ Ферыдунам Сінірліаглу на палях саміту Еўрапейскай палітычнай супольнасці ў Дубліне.

Падчас размовы 13 лістапада яна заклікала кіраўніка арганізацыі выкарыстоўваць кантакты з уладамі Беларусі для вызвалення палітычных зняволеных, поўнага спынення рэпрэсій і садзейнічання спыненню расійскай вайны супраць Украіны.

— Важна, каб кожны кантакт з рэжымам дапамагаў дамагчыся канкрэтных вынікаў — вызвалення людзей, спынення пераследу і крокаў да міру, — падкрэсліла Ціханоўская. Асобна бакі абмеркавалі нядаўні візіт Сінірліаглу ў Мінск.

Нагадаем, 3–4 лістапада генсек АБСЕ наведаў Беларусь упершыню з 2019 года. Ферыдунам Сінірліаглу сустрэўся з дыктатарам Беларусі Аляксандрам Лукашэнкам і міністрам замежных спраў Максімам Рыжанковым, а таксама выступіў на Мінскай міжнароднай канферэнцыі па еўразійскай бяспецы.

Раней Святалана Ціханоўская папярэджвала, што сустрэчы высокага ўзроўню без канкрэтных змен могуць спрыяць міжнароднай легітымізацыі рэжыму Лукашэнкі.

эж