Беларуская Служба
Дадай у Google

Дадайце нас у абраныя крыніцы ў Google, каб нашы навіны заўсёды былі сярод першых вынікаў вашага пошуку

Выйшаў новы кліп Лявона Вольскага, які сам музыкант назваў «абсурдовым»

19.11.2026 13:49
Паводле слоў музыканта, кліп здымаўся ў вельмі спецыфічных умовах і доўга чакаў моманту свайго з’яўлення.
   .
Лявон Вольскі з гуртом.Фота: кадр з відэакліпа.

Лявон Вольскі прэзентаваў свой новы кліп, прысвечаны… медыцыне. Называецца кампазіцыя «Лекар ачуняй», яна ўваходзіць у праект «Эмігранты».

— Сёння — прэм’ера нашага кліпа на песню «Лекар ачуняй» з праекту «Эмігранты». Абсурдовая песня і настолькі ж абсурдовы кліп, пра які мы ўжо паспелі атрымаць водгук, маўляў, што гэта так дзіўна, што ажно файна! — напісаў Лявон Вольскі ў сваім фэйсбуку.

Чаму зараз — найлепшы час для гэтай прэм’еры?

— Адкрываю вам сакрэт: бо ўжо ў гэтую нядзелю, 22 лістапада, у Вільні мы з вамі сустрэнемся на канцэрце ў… Паліклініцы. А тэрапеўтычныя песні разам са мной будуць выконваць Павал Аракелян і Маргарыта Ляўчук,  — дадаў Лявон Вольскі.

Паводле слоў музыканта, кліп здымаўся ў вельмі спецыфічных умовах і доўга чакаў моманту свайго з’яўлення для шырокай аўдыторыі.