Прычына ў тым, што ўзгадненне дадзеных пытанняў адбываецца ва атмасфера закрытасці на найвышэйшым міждзяржаўным узроўні. Гэта спараджае ў беларускім грамадстве моцную перасцярогу адносна пагрозы дзяржаўнаму суверэнітэту і не спрыяе палітычнай стабілізацыі беларускага грамадства.
Як грамадская арганізацыя, адна з галоўных статутных задач якой – спрыяць захаванню Беларусі як суверэннай дзяржавы, ЗБС «Бацькаўшчына», кіруючыся зацверджанай на
Чацвертым зʼездзе беларусаў свету дэкларацыяй «Аб падтрымцы Акта незалежнасці, прынятага Усебеларускім зʼездам 29 ліпеня 2000 г. у г. Мінску», выказвае салідарнасць з сутнасцю агучаных заяў у абарону суверэнітэту Беларусі і заклікае:
беларускія ўлады – да абнародавання ўзгодненых на сённяшні дзень пунктаў «дарожных мапаў» і, у выпадку іх разыходжання з дэклараванымі ў Канстытуцыі Рэспублікі Беларусь пунктамі аб дзяржаўным суверэнітэце краіны, неадкладна скасаваць іх і спыніць працэс узгаднення пунктаў «паглыбленне інтэграцыі» на ўсіх узроўнях;
беларускае грамадства – актывізаваць публічнае праяўленне свайго стаўлення да гэтага найважнейшага пытання далейшага існавання беларусаў як народу, кансалідавацца для яе вырашэння згодна з дэклараванымі ў Канстытуцыі Рэспублікі Беларусь пунктамі аб дзяржаўным суверэнітэце краіны;
беларусаў замежжа – выкарыстаць усе даступныя сродкі і магчымасці, каб данесці да ўрадаў краінаў свайго пражывання важнасць захавання незалежнасці Беларусі.
юл