Эдзіта Бранцэвіч за апекаванне над беларускамоўнай групай у садку ў Смаргоні і Хрыстафор Жаляпаў за правядзенне канферэнцыі «Беларуская дзяржаўнасць. Гісторыя і сучаснасць» у Віцебску абраныя лаўрэтамі прэміі імя Віктара Сырыцы. Згада6ную прэмію Рух «За Свабоду» ўручае чацвёрты раз, паведаміла прэс-служба арганізацыі.
Віктар Сырыца, вядомы баранавіцкі краязнаўца, гісторык, актывіст, каардынатар мясцовай суполкі Руху «За Свабоду», раптоўна памёр у 2015 годзе. У 2016 годзе ў памяць аб ім Рух «За Свабоду» заснаваў прэмію ягонага імя, якой узнагароджваюць актывістаў, што за мінулы год арганізавалі выбітныя рэгіянальныя ініцыятывы. У гэтым годзе на прэмію паступілі 25 заявак, з якіх сем былі абраныя ў шорт-ліст для галасавання.
Паводле старшыні Руху «За Свабоду» Юрыя Губарэвіча, прэмія імя Віктара Сырыцы дапамагае звярнуць увагу на вартыя ініцыятывы, накіраваныя на беларускае адраджэнне, якія ладзяцца ў рэгіёнах.
вс