Кітайска-беларускі індустрыяльны парк «Вялікі камень» і Банк развіцця Беларусі падпісалі пагадненне аб супрацоўніцтве, перадае БЕЛТА.
Адзін з напрамкаў супрацоўніцтва – фінансаванне Банкам развіцця інфраструктурных праектаў на тэрыторыі індустрыяльнага парка.
Яшчэ адзін напрамак – экспартнае крэдытаванне, паколькі рэзідэнты «Вялікага каменя» – гэта ў асноўным экспартна арыентаваныя прадпрыемствы.
«У гэтым годзе мы плануем пачаць будаўніцтва міжнароднага тэрмінала, які звязаў бы транспартныя патокі Кітая і Еўропы праз Беларусь. Таксама кіраўніком дзяржавы прынята рашэнне аб будаўніцтве скорасных чыгуначных транспартных пасажырскіх зносін паміж Мінскам і аэрапортам з удзелам парка »Вялікі камень«., – адзначыў кіраўнік адміністрацыі парка »Вялікі камень« Аляксандр Ярашэнка.
На пачатак студзеня ў »Вялікім камені« былі зарэгістраваныя 60 рэзідэнтаў з 15 краін, у тым ліку 33 – з КНР, 15 – з удзелам кампаній з Аўстрыі, Германіі, Ізраіля, Канады, Кіпра, Латвіі, Літвы, Расіі, ЗША, Швейцарыі і Эстоніі, 12 – ініцыяваныя беларускімі кампаніямі. Чакаецца, што да канца года ў парку будуць зарэгістраваны не менш як 80 рэзідэнтаў з аб'ёмам заяўленых інвестыцый $1,5 млрд.
яс