У Беларускім нацыянальным тэхнічным універсітэце (БНТУ), дзе выявілі заражанага карановірусам студэнта, аўдыторныя заняткі часова спыненыя з 28 лютага па 15 сакавіка. Усе студэнты будуць гэты час навучацца па індывідуальных планах, заявіў рэктар універсітэта Сяргей Харытончык, паведамляе «Еўрарадыё».
Рэктар дадаў, што за станам здароўя навучэнцаў, выкладчыкаў і іншых работнікаў уведзены штодзённы кантроль. Таксама ва ўніверсітэце ўзмацнілі меры санітарна-эпідэмічнага кантролю і дэзінфекцыі.
Першы ў Беларусі выпадак заражэння каронавірусам выяўлены ў студэнта БНТУ 27 лютага. Іранскі студэнт прыляцеў у Мінск з Баку 22 лютага. Цяпер хлопец і людзі, якія з ім кантактавалі, змешчаны ў закрытыя боксы ў Мінскай інфекцыйнай бальніцы.
вс