Урад і Нацбанк Беларусі абмяркоўваюць з Міжнародным валютным фондам магчымасць атрымаць фінансавую падтрымку. Як паведамляецца на сайце Нацбанка, гэтая фінансавая дапамога звязаная з выклікамі, якія стаяць перад эканомікай краіны на фоне пагаршэння глабальнай эканамічнай сітуацыі і пандэміі каранавіруса.
Беларусь хоча атрымаць так званы "хуткі крэдыт", прызначаны для дапамога краінам — чальцам Фонду фінансавай дапамогі, якім патрэбнае экстранае фінансаванне для пераадолення складанай сітуацыі, перадае Еўрарадыё.
Раней МВФ заяўляў, што гатовы вылучыць на гэтыя мэты краінам з сярэднім узроўнем даходу да 40 мільярдаў долараў, улічваючы рэзкае пагаршэнне глабальнай эканамічнай сітуацыі ў сувязі з пандэміяй каранавіруса. "Зыходзячы з умоваў доступу да інструмента хуткага фінансавання, Рэспубліка Беларусь можа прэтэндаваць на суму, эквівалентную прыкладна 900 мільёнам долараў ЗША", — гаворыцца ў прэс-рэлізе Нацбанка.
Раней паведамлялася, што ўрад выпрацоўвае праграму падтрымкі айчыннага бізнесу падчас распаўсюду каранавіруса.
эж