Міністэрства па падатках і зборах прапануе абмеркаваць парадак вяртання сумы ПДВ, выплачанай фізічнай асобай пры набыцці электрамабіля на тэрыторыі Беларусі. Адпаведная пастанова Савета Міністраў вынесена на грамадскае абмеркаванне на Прававым форуме, паведамляе БЕЛТА.
Плануецца, што фізічнай асобе будзе вяртацца сума ПДВ, выплачаная ёю пры куплі электрамабіля ў Беларусі з 15 чэрвеня 2020 года па 31 снежня 2025 года.
Вярнуць можна будзе суму ПДВ, уключаную ў кошт электрамабіля, але не большую за 500 базавых велічынь (1 БВ - 27 Бр) на дзень куплі аўто.
Вяртанне ПДВ прадугледжана на працягу 30 каляндарных дзён з дня падачы фізічнай асобай дакументаў у падатковую. Калі ў пакупніка электрамабіля ёсць завінавачанасць па падатках або штрафах, выплату якіх кантралюе МПЗ, то такую завінавачанасць пакрыюць з сумы вяртаемага ПДВ.
Пры гэтым калі фізічная асоба паведаміла ў падатковую не ўсю неабходную інфармацыю, то ёй адмовяць у вяртанні ПДВ.
аз