Кіраўнік дыпламатыі Еўразвязу Жузэп Бурэль заявіў, што Еўразвяз не прызнае Лукашэнку легітымным прэзідэнтам, аднак будзе вымушаны працягваць працаваць з ім як прадстаўніком улады ў Беларусі, падобным чынам як з прэзідэнтам Венесуэлы Нікалясам Мадурам.
Разам з тым асобныя краіны ЕЗ займаюць больш рашучую пазіцыю. Так міністр замежных спраў Урмас Рэйнсалу заявіў учора, што эстонская дзяржава будзе падтрымліваць дэмакратычную ды суверэнную Беларусь.
- Эстонская дзяржава будзе падтрымліваць беларускі народ, дэмакратычную Беларусь, а таксама тэрытарыяльную цэласнасць краіны.
Яшчэ больш востра выказалася экс-прэзідэнт Літвы Даля Грыбаўскайце. Яна заявіла, што свет больш ня можа весці двайную гульню з рэжымам Аляксандра Лукашэнкі, яго трэба палітычна і дыпламатычна ізаляваць.
юл