Гэтыя звесткі ўтрымліваюцца ў праваабарончай справаздачы пра сітуацыю з правамі чалавека ў Беларусі ў поствыбарны перыяд. Маштаб рэпрэсіяў у Беларусі нарастае, кажа праўнік праваабарончага цэнтру «Вясна» Валянцін Стэфановіч.
- Сітуацыя пагаршаецца. Апошнія тыдні мы бачым, што ўзбуджаецца вельмі шмат крымінальных справаў. Ідзе татальны ціск, распраўляюцца з няўгоднымі з абсалютна розных сфераў. Гарантыя бяспекі не зʼяўляецца грамадская вядомасць. Спартоўцы ды тэлевядоўцы таксама становяцца ахвярамі пераследу за свае погляды.
Спецыялісты сфакусаваліся на правах чалавека на жыццё, асабістую свабоду і гуманнае абыходжанне, а таксама на свабодзе ад катаванняў.
Таксама ў дакладзе закранутыя факты парушэнняў правоў журналістаў і дзяцей.
Аналітычная праца экспертаў прадстаўлена дакладчыку, прызначанаму ў рамках Маскоўскага механізма АБСЕ.
юл