У панядзелак, 12 кастрычніка ў Беларусі 65 дзень запар праходзяць масавыя пратэсты супраць фальсіфікацыі вынікаў выбараў і гвалту з боку сілавікоў.
Сёння ўжо другі раз праходзіць Марш пенсіянераў. Вядома пра акцыі ў некалькіх гарадах – Мінску, Гродне, Гомелі, Лідзе, Брэсце.
У мінскай акцыі ўдзельнічала прыкладна некалькі тысяч чалавек сталага ўзросту. Яны сабраліся на плошчы Незалежнасці і пайшлі па праспекце Незалежнасці ў бок плошчы Перамогі. Пенсіянеры і пенсіянеркі неслі кветкі, беларускія бела-чырвона-белыя сцягі, а таксама плакаты: «У бой ідуць старыкі», «Бабулі і дзядулі, дапаможам нашым унукам здабыць будучыню», «Мы – не рабы» і г.д. Бабулі і дзядулі патрабавалі сыходу Аляксандра Лукашэнкі і падвядзення новых прэзідэнцкіх выбараў.
Падчас Маршу пенсіянераў у Мінску затрымалі фотажурналістаў Камсамольскай праўды і ТАСС Святаслава Зоркага і Наталлю Фядосенку. Сатлыя ўступіліся за іх, кінуліся на дарогу, кідалі ў міліцыянтаў кветкамі.
У Мінску супраць бабуль і дзядуляў былі ўжытыя светлашумавыя гранаты.
эж