У Віцебску актыўныя грамадзяне працягваюць працу па адкліканню
дэпутатаў Палаты Прадстаўнікоў. 29 кастрычніка а 10 гадзіне раніцы ў
абласным судзе будзе слухацца справа пра адмову ў правядзенні сходу з
дэпутатам Палаты Прадстаўнікоў па Чкалаўскай акрузе №18 Таццянай
Аўтуховай.
Нагадаем, актывісты сабралі патрэбныя подпісы і падалі іх у
Віцебскі абласны Савет дэпутатаў для правядзення сустрэчы, аднак Савет
адхіліў заяву грамадзянаў на правядзенне сустрэчы. Вырашэнне пакінуў
без змен і Кастрычніцкі суд горада Віцебска 24 верасня. Пасля падачы
скаргі Віцебскі абласны суд прыняў да разгляду апеляцыю грамадзянаў.
Для Беларускай службы Польскага радыё з Віцебска Святаслаў Бруйко
Фота з сайта дэпутаткі avtukhova.house.gov.by
.