У гэтым статусе філосаф, кандыдат філасофскіх навук і выкладчыца Вольга Шпарага зоймецца каардынацыяй рабочых груп і экспертаў у галіне адукацыі, праграм падтрымкі студэнтаў і выкладчыкаў, якія пацярпелі ад рэпрэсій. У планах таксама распрацоўка праекта рэформы беларускай адукацыі - на ўсіх яго узроўнях. У бліжэйшы час каманда, якую ўзначальвае Вольга, сфармуе адпаведны савет, які аб'яднае значных спецыялістаў сферы.
Сацыяльны аналітык Андрэй Шуман называе самыя галоўныя праблемы сістэмы вышэйшага навучання ў Беларусі, гэта: ідэалагізацыя навучання, у што задзейнічаны БРСМ; адсутнасць акадэмічных свабод і неінтэграванасць з сусветнай сістэмай адукацыі.
- Людзі, якія лічацца вучонымі ў Беларусі, не лічацца вучонымі ў свеце. Паспяховасць вызначаецца па публікацыях у беларускіх часопісах. Не лічыцца тое, на колькі чалавек публікуецца ў сур'ёзных часопісах, індэксаваных у прэстыжных базах. Таксама яшчэ акадэмічныя свабоды, якіх у Беларусі няма. Выбарнасць рэктараў, дэканаў не існуе. Рэктараў назвачае сам Лукашэнка.
Вольга Шпарага адзначыла: «Мы ставім перад сабою задачу зрабіць так, каб аказанне дапамогі студэнтам і выкладчыкам, якія пацярпелі ад палітычных рэпрэсій, не вяло толькі да опцыі пакінуць краіну, але дазваляла ім заставацца тут і працаваць для новай, дэмакратычнай Беларусі».
яс