Дэпутаты Палаты прадстаўнікоў рыхтуюць чарговы адыёзны законапраект. Яго анансавала дэпутатка Марыя Васілевіч, перадае «Еўрарадыё».
"Прадугледжваецца магчымасць страты беларускага грамадзянства з прычыны ўдзелу ў тэрарыстычнай і іншай экстрэмісцкай дзейнасці альбо прычынення цяжкай шкоды інтарэсам Беларусі. У новым законапраекце таксама выключаюцца выпадкі, калі спыненне грамадзянства дапамагае пазбегнуць адказнасці за злачынства", — заявіла Васілевіч.
"Гэта можа быць прыменена толькі да тых грамадзян Беларусі, якія з'яўляюцца імі не па нараджэнні. Гэта значыць, тыя, якія набылі грамадзянства: атрымалі рэгістрацыю, выйшлі замуж за грамадзяніна РБ. Вырашаць будзе Дэпартамент МУС па грамадзянстве і міграцыі, а ўзгадняць прэзідэнт. Беларусаў, якія нарадзіліся ў Беларусі, гэта не датычыцца", — запэўнівае Васілевіч.
Згодна з артыкулам 10 КанстытуцыіБеларусі, ніхто не можа быць пазбаўлены грамадзянства. Датычыцца гэта як тых, хто грамадзянін па нараджэнні, так і тых, хто яго набыў.
эж