Першы энергаблок Беларускай АЭС быў адключаны ад сеткі 16 студзеня ў 19.02 пасля таго, як спрацавала сістэма абароны генератара, паведамляе «БелаПАН» па спасылцы на прэс-службу Міністэрства энергетыкі.
«Сістэма аховы спрацавала ў працэсе эксперыментальнай і прамысловай эксплуатацыі першага энергаблока ў рамках правядзення выпрабаванняў сістэмы і абсталявання. Радыяцыйны фон у раёнах станцыі ў норме», – адзначылі ў энергетычным ведамстве.
Прэс-служба дзяржаўнага вытворчага аб'яднання «Белэнерга» паведаміла, што энергетычная сістэма краіны працуе ўстойліва.
Вытворчасць электраэнергіі на першым блоку БелАЭС ужо неаднаразова прыпынялася, пасля аднаўлялася і зноў прыпынялася. Улады тлумачылі гэта неабходнасцю карэкціроўкі тэхнікі, а таксама запланаванымі перапынкамі.
ав/naviny.by