Шукалі матэрыялы прызнаныя экстрэмісцкімі аднаго з тэлеграм-каналаў, які ў Беларусі нельга называць.
Паводле інфармацыі УУС Гродзенскага аблвыканкама, матэрыялы экстрэмісцкага тэлеграм-канала знаходзіліся ў вольным доступе, а рэдакцыі абодвух інтэрнэт-рэсурсаў, маўляў, не выдалілі іх.
Больш за тое, абодва рэсурсы асвятлілі ў сябе прызнанне матэрыялаў дэструктыўнага тэлеграм-канала экстрэмісцкімі.
Рэдактар Hrodna.life Аляксей Шота, супраць якога пачалі адміністрацыйны працэс, дапусціў, што недзе на сайце знайшлі старыя спасылкі на экстрэмісцкі тэлеграм-канал.
Хаця, як толькі ён быў прызнаны экстрэмісцкім, яны пачысцілі спасылкі на яго.
Пры ператрусе прысутнічала супрацоўніца рэдакцыі Ірына Новік. Паводле яе, у памяшканні засталіся толькі сталы:
-Усё канфіскавалі: усе фотаапараты, дрон, усе флэшкі, усю друкаваную прадукцыю, часопісы, календары. Пазабіралі ўсё, што было, і пакінулі пустую рэдакцыю.
Што датычыць рэдакцыі Newgrodno.by, рэдактар Ігар Рэмзік на тэлефонныя званкі не адказвае.
Алесь ЗАВІНОЎСКІ