У эканамічным судзе Гродзенскай вобласці 12 траўня будзе разгледжана справа аб ліквідацыі «Цэнтра гарадскога жыцця». Грамадскасць, разумеючы наступствы, пачала ў інтэрнэце збор подпісаў у абарону культурна-асветніцкай установы
Фармальнай прычынай для закрыцця Цэнтру стала выстава мастака Алеся Пушкіна, якая нібыта парушае Закон «Аб супрацьдзеянні экстрэмізму».
Аднак не толькі гродзенцы, але і многія жыхары Беларусі, хто наведваў Цэнтр лічаць, што яго хочуць ліквідаваць па палітычных матывах.
Наведвальнікі цэнтру прыводзяць свае аргументы, маўляў, тут адбыліся больш 250 культурніцкіх і асветніцкіх імпрэзаў, больш за сотню прэзентацый, творчых сустрэчаў, майстар-класаў, некалькі вялікіх фестываляў, навуковыя канферэнцый, канцэрты, прэзентацыі кніг і сустрэчы з літаратарамі.
Многіх такое стаўленне да культурнай пляцоўкі абурыла.
«Калі мы хочам быць культурнымі, то нам трэба падтрымліваць і трымаць у горадзе ўсімі сіламі культурныя кропкі, якія з’яўляюцца культурнымі асяродкамі і фармуюць іх, развіваюць».
Алесь Завіноўскі