Літаратурны музей Максіма Багдановіча да 130-годдзя з дня нараджэння паэта прадставіў новае выданне серыі ЖЗЛБ “Максім Багдановіч”, у якім год за годам праз успаміны, лісты, дакументы, цытаты з даследаванняў, невядомыя творы раскрываецца жыццё геніяльнага паэта.
У кнізе прадстаўлены, як ужо знаёмыя факты, так і абсалютна новыя. Раскіданыя па шматлікіх выданнях звесткі сабраныя побач адпаведна храналогіі задаюць новы ракурс, раскрываюць унутраныя матывы і даюць адказы на многія загадкі.
Да таго ж, выданне мае больш за сотню фотаздымкаў, некаторыя з іх адкрытыя зусім нядаўна.
Кніга з’явіцца ў продажы праз 2 тыдні.
юл