Памежная служба Польшчы апублікавала відэа, на якім, як сцвярджаецца, беларускія памежнікі займаюцца транспартам мігрантаў на розныя ўчасткі, паведамляе Радыё «Свабода».
На відэа людзі ў вайсковай форме дапамагаюць мігрантам забрацца ў машыну, накрытую тэнтам. Затым ідуць кадры, дзе памежнікі за калючым дротам паказваюць невядомым рукамі, куды трэба ісці.
Па звестках ведамства, 9 верасня польскія памежнікі спынілі 140 спробаў незаконнага перасячэння мяжы. Напярэдадні такіх спробаў было 194. Пазначана, што групы замежнікаў хаваюцца за лесам за некалькі сотняў метраў ад граніцы і чакаюць зручнага часу для пераходу мяжы.
Гэта ўжо не першае такое відэа. Літоўскія памежнікі раней апублікавалі відэа, на якім беларускія сілавікі прымушаюць мігрантаў перасякаць мяжу Літвы.
вс
на фота: нелегальныя мігранты на беларуска-польскай мяжы