Girls Power Belarus тлумачаць, што рэжым трымаецца на страху і запалохванні, для гэтага і выкарыстоўвае незалежныя СМІ і сацсеткі.
«Рэжым кропкавымі рэпрэсіямі стварае карцінкі страху, а грамадства само гэтыя карцінкі распаўсюджвае, само ўдзельнічае ва ўласным запалохванні».
Таму правільная рэакцыя – не надаваць увагі і не павялічваць страх і безнадзейнасць.
Girls Power Belarus заклікае такім чынам праявіць павагу да палітвязняў.
Згаданы ТК нагадвае, што Беларуская пісьменніца Ганна Севярынец пісала, што ў часы калектыўнай траўмы ў нацыі выпрацоўваюцца калектыўныя інструменты рэакцыі на цяжкія абставіны і іх мы перададзім у спадчыну дзецям.
Паводле Севярынец, беларусам ад продкаў дасталіся такія ментальная праграмы:
- мая хата з краю;
- не будзі ліха, пакуль яно ціха;
- не высоўвайся;
- жыць як набяжыць;
- ты начальнік, я дурань;
- а можа так i трэба;
- махні рукой, запі халоднай вадой;
«Кажуць, каб нешта атрымаць, трэба нешта аддаць, нечым ахвяраваць. Давайце для перамогі над нелегітымным рэжымам аддамо, ахвяруем яму ад шчырага сэрца, наш страх», – заклікаюць Girls Power Belarus.
яс