Нядаўна Польшча прыпыніла праграму Poland Business Harbour. Гэта візавая праграма, створаная ў 2020 г., якая павінна была аблегчыць доступ на польскі рынак працы для супрацоўнікаў ІТ з Беларусі.
«Наколькі нам вядома, адна з асноўных праблем для віз Poland Business Harbour – нізкая канвертацыя віз. То бок людзі рабілі масава візы PBH і толькі каля 35-40% атрымальнікаў імі скарысталіся і ўехалі ў Польшчу», – напісаў Вячорка.
Цяпер Офіс Святланы Ціханоўскай знаходзіцца ў кантакце з прадстаўнікамі польскага ўраду ў справе аднаўлення праграмы Poland Business Harbour ці запуску яе альтэрнатывы, прызначанай для высокакваліфікаваных працоўных для Беларусі і рэгіёну, паведаміў дарадца Ціханоўскай.
Вячорка падкрэсліў, што прыпыненне праграмы не значыць спынення выдачы візаў.
«Кваліфікаваныя спецыялісты могуць па-ранейшаму падавацца і атрымліваць візы, зараз выпрацоўваецца механізм паскоранай выдачы», – напісаў ён.
Агулам за апошнія 30 месяцаў Польшча выдала беларусам больш за 600 тысяч візаў розных тыпаў.
яс