Паколькі на знешніх рынках справы ідуць не вельмі добра, беларускія ўлады, здаецца, вырашылі забяспечыць выкананне сваіх планаў за кошт стымулявання ўнутранага попыту. Прынамсі на гэта намякае свежая статыстыка ад беларускага Нацбанка, піша belmarket.by.
Сёлета за сакавік шырокая грашовая маса вырасла амаль на мільярд рублёў. На 1 красавіка яна склала 76,65 трлн рублёў. Асабліва трывожна выглядаюць тэмпы росту колькасці наяўных грошай. Узмацняць жорсткасць палітыкі ўлады не збіраюцца. Затое, падобна, збіраюцца ўзмацняць жорсткасць сістэму рэгулявання цэнаў.
За першыя два месяцы гэтага года беларускі экспарт склаў 6,2 млрд долараў і павялічыўся ўсяго на 1,5% (урад сёлета планаваў яго рост у 7,6%). Пазіцыі на расійскім рынку Беларусь губляе, а кошты на беларускі экспарт падаюць.
Лішнія грошы ціснуць на рынак і з гэтым трэба нешта рабіць. У Міністэрстве антыманапольнага рэгулявання і гандлю ужо заявілі, што ў дадатак да уведзеных раней мер па абмежаванні росту цэнаў улады рыхтуюць праграму дзеянняў па іх стабілізацыі.
вх