У сталіцы Нарвегіі горадзе Осла 50-гадовы грамадзянін Беларусі кінуў два кактэйлі Молатава ў каралеўскі палац. Пры затрыманні ў яго знайшлі яшчэ некалькі бутэлек з запальнай сумессю. Ніхто не пацярпеў.
Мужчына кінуў самаробную запальную сумесь у дзверы ў задняй частцы каралеўскага палаца.
«Звонку сцены ззаду замка ўспыхнула полымя, але агонь быў хутка патушаны«, – паведамляе нарвежскае выданне nrk.no.
У момант інцыдэнту ў замку знаходзіўся адзін з чальцоў каралеўскай сямʼі. Ён не пацярпеў.
Паліцыя, якая прыбыла па трывожным сігнале, затрымала мужчыну на месцы здарэння. Як удакладнілі выданню ў крымінальнай паліцыі, затрыманы грамадзянін Беларусі аказаўся ў вышуку па запыце паліцыі Нідэрландаў.
Мужчыну прадʼяўлена абвінавачанне ў прычыненні асабліва сурʼёзнай шкоды, гаворыцца ў зводцы нарвежскай паліцыі, паведамляе reform.news.
аз