«Па-першае, нам трэба глыбей вывучыць, хто сапраўды зацікаўлены, таму што здаецца, што пасля ўвядзення дадатковых тарыфаў для Канады ЗША шукаюць больш танныя крыніцы ўгнаенняў. Я б не выключыў, што ў бліжэйшы час нашы стратэгічныя партнёры могуць звярнуцца да нас з просьбай перагледзець гэтыя санкцыі», — сказаў прэм'ер-міністр Літвы Гінтаўтас Палуцкас, яго словы прыводзіць lrt.lt.
Прэм'ер-міністр запэўніў, што пытанне змякчэння санкцый ва ўрадзе не абмяркоўваецца.
«Урад, вядома, пакуль такіх планаў не мае», — сказаў ён.
У апублікаванай у пятніцу справаздачы аб ацэнцы пагроз нацыянальнай бяспецы, падрыхтаванай Дэпартаментам дзяржаўнай бяспекі (ДДБ) і Другім упраўленнем аператыўнага абслугоўвання (АОТД), звяртаецца ўвага на спробы беларускіх уладаў аднавіць экспарт калійных угнаенняў праз Клайпедскі марскі порт.
У дакуменце адзначаецца, што прадстаўнікі беларускіх ведамстваў лабіруюць, каб Літва і ЕС змянілі сваю пазіцыю адносна міжнародных санкцый супраць угнаенняў, а «Беларуськалій» спрабуе падтрымліваць дзелавыя сувязі ў Літве.
вх